Etxebizitza babestuaren eskatzaileen zentsu bakarra

Aplikazioaren xedea

Ongi etorri etxebizitza babestuaren eskatzaileen zentsuan izena emateko aplikaziora.

Programa honetara Cl@ve edo ziurtagiri digitalarenbidez sartuko zara, eta aukera hauek ematen dizkizu:

• Egin inskripzioa zentsuan, telematika bidez.
• Zure inskripzioaren datuak aldatu.
• Zure inskripzioa berritu.
• Inskripzioa baliogabetu.
• Zure datuak dituen zirriborroa gorde, aurrerago inskripzioa egiten jarraitzeko.
• Kontsultatu zer aldaketa egin dituzun zure inskripzioan denboran zehar (historikoa)

Gogoan izan ezazu ezen, behin zure eskaera sortuta, nahi adina aldiz aldatzen ahal duzula. Azken aldaketa hartuko da kontuan esleipen prozesu guztietan.

Etxebizitza eskuratzeko betebeharrak

Nafarroan erroldatua dagoen edozein herritarrek eman dezake izena etxebizitza babestua eskuratzeko eskaeren zentsuan, baldin eta etxebizitza babestu bat erosteko edo alokatzeko betebeharrak betetzen baditu. Dena dela, aplikazio honetara sartzeko hauek erabil ditzakezu:

• Cl@ave. Identifikazio-sistema honi buruzko informazio gehiago nahi izanez gero, sakatu hemen.
• Eskatzaile guztien ziurtagiri digitalak, Nafarroako Gobernuak onartuak eta argitaratuak, hemen. Jakiteko nola sartu Autofirmaren tramitazioa kontsulta dezakezu: Tramitazio telematikorako laguntza.

Aplikaziorako sarrera

Eskaera telematika bidez bidali nahi baduzu, aplikazioak eskatzen dizkizun datu guzti-guztiak bete beharko dituzu. Hala ez bada, ezin izanen da eskaera bidali prozedura honen bitartez.

Inskripzio prozesuan zalantzak sortzen bazaizkizu, gurekin harremanetan jar zaitezke censo@nasuvinsa.es helbide elektronikoaren bidez, edo Nasuvinsako bulegoetan hitzordua eska dezakezu:

• Hitzordua eskatu 948 012 012 telefonoan edo Internet bidez Iruñeko edo Tuterako NASUVINSAren bulegora joateko. Bete inskripzio-zirriborroa, eskatuko dizkizugun datuak banakatuta.
• Aurkeztu zirriborroa zure hitzorduaren egunean, izena emateko puntuan, eta sinatu baldintzak betetzeari buruzko erantzukizunpeko adierazpena.

Izena emateko lekuak (hitzordua eskatuta bakarrik joan):

• Iruñean, NASUVINSAren bulegoetan (Sanduzelaiko etorbidea 8, behea)
• Tuteran, NASUVINSAren bulegoan (Kaputxinoen kalea 6, 1. solairua)

Izena eman ondoren, zure lehentasunak nahi bestetan aldatzen ahalko dituzu, online sartuz edo aldez aurreko hitzordua berriz eskatuz. Gainera, hasieran ematen diren datuetan gertatzen den edozein aldaketa jakinarazi beharko duzu (familia-egoera aldatzea, bizilekua aldatzea …).

• Aplikaziorako sarrera
• Etxebizitzari buruzko webeko atarirako sarrera
• Telematika bidez tramitatzeko laguntza